Android 5.0 Lollipop, en galego

É oficial, Google fornece ao sistema Android da lingua galega. A versión 5.0 Lollipop (piruleta) chegou completamente en galego (tamén éuscaro). Con ela, toda aplicación con tradución aparecerá directamente en galego (ata agora saian en inglés). A chegada ao teu móbil depende do fabricante.

A casa da Conexa

Mucha e Nucha tráennos o seu primeiro xogo para móbiles “A casa da Conexa: A invasión de Ardebullo“. O xogo ten a temática do popular “plantas contra zombis” pero ambientado no mundo deste programa da Televisión de Galicia.

Actualización 03/11/2014: Xa está o xogo dispoñible na App Store.

PPSSPP, en galego

PPSSPP é un emulador de PSP multiplataforma. A súa baza é sacar unha alta resolución (incluso en Android) daquelas texturas que dentro da pequena pantalla da PSP se representaban de forma borrosa e pouco definida. Volve gozar dos teus xogos cunha nova resolución.

Teclado Galego Android

Teclado Galego Android é o primeiro teclado en galego feito en Galicia. Esta aplicación permítenos escribir cunha perfecta corrección ortográfica en galego. Xorde a partir do Teclado AOSP de Android pero incluíndo a lingua galega.

Google Keyboard, en galego

Google actualiza o seu teclado de Android incluíndo de forma nativa o galego e o éuscaro. O teclado de Google permíteche inserir texto dun xeito máis sinxelo e intelixente, con funcións como o recoñecemento de palabras. a predición de escrita e a escritura xestual.

Actualización 29/07/2014: O teclado xa está dispoñible no Google Play.

Cerberus, en galego

Cerberus é un completo programa contra o roubo dos seus dispositivos. Ofrécelle protección para recuperar o dispositivo perdido ou roubado, e identificar o paradoiro ou calquera tentativa de operar con el. Ata 5 dispositivos podes rastrexar cunha única conta.

Co 3º aniversario da aplicación, hoxe 25 de abril, e ata o 26 ás 6 AM, o programa será de balde para todo novo usuario ou que xa anteriormente o empregase. O prezo normal é de 2’99€ para sempre.

Telegram, en galego

Finalmente, chega o galego ao Telegram oficial (non tardará en facelo á S-edition). Houbo que peregrinar polo traballado Shurgram, ao camiño asaltounos a versión xenuína galega Galegram; pero ao final do treito, xa se pode fedellar en galego no cliente oficial, cunha tradución coidada.